मुंबई : मुंबईतील अत्यंत लोकप्रिय खाद्यपदार्थ अशी ओळख असलेला वडापाव महागला असून एकेकाळी केवळ पाच रुपयांत मिळणारा वडापाव आता २५ ते ३० रुपयांना मिळू लागला आहे. त्यातच आता रेल्वे स्थानकात मिळणाऱ्या वडापावच्या किंमतीतही वाढ करण्यात आली असून आता प्रवाशांना वडापावसाठी १३ रुपयांऐवजी १८ रुपये मोजावे लागणार आहेत.
तसेच, हॉटडॉग, चायनीज भेळ, शेवपुरी आदी अन्य पदार्थ रेल्वे स्थानकात विक्रीसाठी उपलब्ध होणार आहेत. मात्र त्याच वेळी लिंबू आणि कोकम सरबताचे दर एक रुपयांनी कमी करण्यात आले असून आता लिंबू आणि कोकम सरबत सहाऐवजी पाच रुपयांना मिळणार आहे.
